Për ndjekësit e një kishe ungjillore që ndodhet në jug të kryeqytetit peruan, shtetasi malazez, me kombësi shqiptare Kol Berishaj ishte një pastor dhe udhëheqës shpirtëror që i këshilloi me pasazhe që rridhnin nga Bibla, por për policinë kombëtare ai ishte një drejtues i fuqishëm i një organizate të rrjetit ndërkombëtar kushtuar trafikut të paligjshëm të drogës që kishte bazën e tij të operacioneve në Lima.
Kol Berishaj, i cili me krenari u shfaq në rrjetet e tij sociale si një pastor ungjillor shembullor, aktualisht është një nga njerëzit më të kërkuar nga policia e antidrogës në Peru.
Ai u pa një ditë para kapjes së të gjithë klanit të tij dhe më pas u zhduk. Sipas të dhënave të tij të emigracionit, ai u largua nga Peruja për në Francë.
Kapja e kohëve të fundit e njerëzve të tij të besuar, të gjithë të kombësisë peruane, i lejoi agjentët e policisë së Drejtorisë kundër Drogës (Dirandro) të godisnin strukturën e tyre kriminale, por gjithashtu të kishin më shumë njohuri se si vepronin, duke transferuar tonelata kokainë nga Lima për në Evropë.
“Unë flas nga fjala e Perëndisë. Nëse të dhemb… sipas Biblës, problemi yt nuk është tek unë, është tek Zoti. Nëse flas jashtë Biblës, jam nga një planet tjetër. Të ndjekim Zotin, mos t’i harrojmë kurrë mëkatet tona. Ne jemi të krishterë, bij të Zotit, që ecim të përulur…por të fituar. Prandaj është e rëndësishme të dimë kush jemi,” thotë në një nga fjalimet e tij Berishaj, përballë një grupi besimtarësh.
Në një operacion i kryer pak ditë më parë, oficerët e policisë Dirandro sekuestruan më shumë se 100 pako kokainë të pastërtisë së lartë, me vlerë 10 milionë dollarë, në duart e Fernando Sangama Gómez alias Chuy.
