Nuk ka liri nga qelia. Ish-shefi i komisariatit të Laçit, Dritan Metaj i arrestuar në kuadër të operacionit “Flakë në det” do të vijojë të qëndrojë me masë sigurie arrest në burg. Metaj kërkoi lirimin në apel, por gjykata e rrëzoi.
Ish-shefi i komisariatit të Laçit u arrestua dy javë më parë pasi u zbulua përfshirja e tij në bandën e baronit të drogës në Fushë-Kuqe, Gëzim Çela.
SPAK thotë se ish-shefi i komisariatit të Laçit, Dritan Metaj, transportonte me makinë Gëzim Çelën teksa ky i fundit kërkohej nga autoritetet.
Metaj ka pranuar kontaktet me Gëzim Çelajn, por ka thënë se nuk mund t’i evitonte kontaktet për shkak të njohjeve të vjetra.
