Autoritet italiane kanë arrestuar një 40-vjeçar shqiptar për tentativë vrasjeje pasi ka plagosur me thikë fqinjin e tij pas një debati për motive të dobëta.
Ngjarja mësohet se ka ndodhur mbrëmjen e së hënës, midis zonave Tor di Miele dhe Stufa Pigna Castello.
Dy 40-vjeçarët kanë patur një debat të ashpër shumë pranë banesave të tyre pasi tymi i zjarrit që kishte ndezur njëri prej tyre po shkonte drejt banesës së tjetrit.
Kjo ka sjellë që situata të dalë nga kontrolli pasi ata janë konfliktuar. 40-vjeçari shqiptar nxori thikën dhe plagosi fqinjin nën shpatull.
Familjarët e të plagosurit që kanë njoftuar ambulancën dhe policinë. Shqiptari u ndalua menjëherë dhe u identifikua nga ushtarët e komandës së stacionit Ferentino, të cilët ndërhynë së bashku me patrullat e tjera.
I plagosuri ndodhet në spital dhe fatmirësisht për të nuk i është dëmtuar asnjë organ vital.
