Një ngjarje e pakëndshme për futbollin ka ndodhur pas ndeshjes mes Skënderbeut dhe Tiranës në qytetin e Korçës.
Teksa bardheblutë po bëheshin gati të largoheshin nga stadiumi, tifozë të skuadrës vendase kanë sulmuar autobusin e ekipit kryeqytetas.
Vendasit kanë goditur me gurë autobusin duke thyer një nga xhamat anësorë të tij.
Për fat, asnjë nga futbollistët bardheblu nuk ka qenë aty i pranishëm në ato momente dhe nuk ka pasur të lënduar nga ky incident i shëmtuar.