Partia e Lirisë është e para që ka reaguar pas vendimit të kryeministrit Edi Rama që firmosi mbrëmjen e sotme në Itali për të ndërtuar një kamp refugjatësh në Shëngjin.
“Rilindja dhe Rama largoi shqiptarët nga vendi, por tani po i hap rrugën kampeve të emigrantëve të paligjshëm. Vendi më i pasigurt në Europë del garant për kampe emigrantësh.
Asnjë transparencë për marrëveshjen, asnjë informacion për qytetarët por vepron në fshehtësi të plotë duke e kthyer vendin qënder të emigrantëve të paligjshëm në europë. Gjithçka bëhet në këmbim të autokracisë së Ramës dhe mos ndëshkimin për korrupsionin e tij” shkruan Endrit Braimllari.
Porti i Shëngjinit do të jetë pikë pritëse për emigrantët e paligjshëm që kërkojnë të futen në Itali. Kështu tha kryeministrja e Italisë, Giorgia Meloni, e cila njoftoi edhe nënshkrimin e marrëveshjes me homologun shqiptar, Edi Rama.
36 mijë emigrantë në muaj! Kush do të vijë Shëngjin, sa do rrinë dhe kush do të paguajë?
