Sociologu Gëzim Tushi i ftuar në emisionin “5Pyetjet nga Babaramo” e cilësoi të llahtarshëm planin e vrasjes së Liridona Ademajt me porosi të bashkëshortit në Prishtinë. Profesori bëri një analizë të shkaqeve shoqërore.
“Ky është një nga format e kriminalitetit që e plotëson kuadrin e përbindshëm. Ka pasur raste të tjera me krime në familje në gjaknxehtësi. Fenomeni i vrasjes së grave. Dhuna është fenomen.
Ky është një krim unikal, prandaj shoqëria këtu dhe në Kosovë është e axhituar, shqetësuar. Është kulmi i kriminalitetit. Ky rasti i Liridonës, mund të shërbejë për të bërë një diagnostikim të kësaj dhune barbare. Janë disa shkaqe për vrasjen e femrave. Xhelozi, tradhti, mund të jenë gjëra të tjera. Përplasja e kornizës kulturore.
Meshkujt e konsiderojnë femrën si një pronë të tyre. Të gjitha këto, bashkë me motivet e tjerë dhe një mendjelehtësi në këto lidhjet martesore….nuk është ky rasti, pasi nuk e di nëse ka qenë lidhje pragmatiste, atraksion për këtë performimin e Naimit…janë shumë arsye të tjera” tha ai.
