Izraeli ka bërë paralajmërimin e fortë se sulmet do të vazhdojnë me intensitet të njëjtë dhe Hamasi është drejt shpërbërjes. Liderët për çështje humanitare frikësohen se Gaza mund të kthehet shpejt në zonë të sëmundjeve dhe urisë së madhe, andaj janë duke shtuar presionin diplomatik ndaj Izraelit që të bëjë më shumë përpjekje për t’i mbrojtur civilët.
Hamasi ka thënë të martën se përleshjet kanë ndodhur në qendër të Gazës, ndërsa dëshmitarët kanë raportuar për sulmeve vdekjeprurëse izraelite në jug të territorit.
Sulmet ajrore izraelite kanë lënë të vdekur të paktën 12 persona në qytetin jugor Rafah, afër kufirit me Egjiptin, ku dhjetëra mijëra njerëz tentojnë të strehohen, ka raportuar agjencia palestineze e lajmeve Wafa.
Sulmet e së hënës e kanë shënjestruar qytetin kryesor jugor Han Junis, i cili është kthyer në epiqendër të luftime
