Pak minuta më parë në media u raportua për një tentativë për grabitje ka ndodhur në një karburant në Tiranë mbrëmjen e sotme në vendin e quajtur “Kthesa e Kamzës”.
Lidhur me këtë policia ka shpërndarë një njoftim ku sqarohet se ky lajm nuk është i vërtetë.
“Sqarim i Drejtorisë Vendore të Policisë Tiranë
Në lidhje me një lajm të publikuar, për një tentativë grabitje të ndodhur para disa minutash, në një karburant në Tiranë, sqarojmë opinionin publik se:
Lajmi i publikuar nuk është i vërtetë.
Drejtoria Vendore e Policisë Tiranë kërkon mirëkuptimin e mediave që para se të publikojnë lajme të kërkojnë informacion pranë DVP Tiranë,” thuhet në njoftimin e policisë.
