Një trup i pajetë është gjetur poshtë urës së lumit Lana në zonën e Brrylit në Tiranë.
Mësohet se për të marrë trupin e pajetë në vendin në fjalë kanë shkuar forcat policore dhe ambulanca.
Identiteti i viktimës nuk dihet ende ndërsa trupi i pajetë u dërgua në morg dhe do të pritet rezultatet e ekspertizës mjeko-ligjore për të përcaktuar shkaqet e vdekjes.
“Më datë 14.12.2023, rreth orës 09:00, te Brryli, në lumin Lana, është gjetur trupi i pajetë i një shtetasi ende të paidentifikuar, në pamje të parë pa shenja dhune.
Grupi hetimor po punon për identifikimin e trupit të pajetë dhe për sqarimin e rrethanave të këtij rasti,” thuhet në njoftimin e policisë.
