Kryeministri Edi Rama e ka nisur mëngjesin e sotëm me postimin e disa fotove të zjarrfikësve të vendit, duke vënë theksin te shpërblimi për punën e tyre përgjatë gjithë vitit.
Ashtu siç deklaroi të Mërkurën ministri i Brendshëm Taulant Balla, Rama shkruan se shpërblimi shtesë do jepet për 586 zjarrfikës, ndërsa dy paga shtesë janë për 38 efektivë të Forcave të Armatosura të cilët punuan me zjarret në Greqi.
“Mirëmëngjes, dhe me lajmin e mirë se këtë fundvit do të japim një pagë shtesë si shpërblim të veçantë për 586 punonjësit e shërbimit zjarrfikës, si dhe dy paga shtesë për 38 efektivët e Forcave të Armatosura të angazhuar në misionin e ndihmës po për zjarret në shtetin fqinj të Greqisë, ju uroj një ditë të bukur”, shkruan kreu i qeverisë.
