Banorët e Postribës në Shkodër kanë dalë në protestë për shkak të ndotjes së ujit të pijshëm, sipas tyre nga një gurore në fshatin Domen.
Ata kanë bllokuar rrugën kryesore për disa minuta pranë shkollës së mesme “Adem Haxhija”. Banorët kërkojnë të merren masa për furnizimin me ujë të pijshëm.
Në të kundërt paralajmërojnë se protesta e tyre do të përshkallëzohet.
Banorët shprehen se kanë dërguar shkresa dhe kanë denoncuar guroren, por deri më tani s’kanë marrë asnjë përgjigje.
Disa muaj më parë ato kanë bërë një padi edhe në SPAK për këtë çështje, por deri më sot nuk kanë marrë përgjigje.
Ato paralajmërojnë se do të përshkallëzojnë protestat e tyre
