Një protestë para Kryeministrisë ka sjellë në vëmendje sërish problematikën e njohjes së diplomave të huaja dhe vështirësitë me të cilat përballen të rinjtë shqiptarë të arsimuar jashtë vendit.
Një prej protestuesve, një vajzë e diplomuar në Itali, ka denoncuar vonesat në procesin e njësimit të diplomës së saj dhe mungesën e mundësive për punësim.
“Jam diplomuar në Itali, por akoma diploma ime nuk po njësohet. Po për personat me aftësi të kufizuar çfarë do të bëhet? A iu sigurohet atyre punë? Zoti kryeministër, nëse gjërat janë kaq mirë në Shqipëri? Pse po largohen njerëzit? Pse është aeroporti plot? Rama në burg, Berisha në burg. Shfuqizo ligjin e investimeve strategjike jep dorëheqjen.”
