A do të paraqitet sot në SPAK, Jamarbër Malltezi? Prokuroria e Posaçme e njoftoi se të mërkurën duhet të shkojë që të merret në pyetje për dosjen e privatizimit të ish-kompleksit “Partizani”.
Avokatët kanë kërkuar një tjetër datë, kjo pasi njëri prej tyre ndodhet jashtë vendit dhe tjetri është në një seancë gjyqësore.
Për Sali Berishën prokuroria ka kërkuar që të paraqitët për të dhënë shpjegime ditën e enjte.
Por njësoj si avokatët e Malltezit, edhe ata të Berishës Genc Gjokutaj dhe Sokol Mëngjesi kanë kërkuar shtyrje për javën tjetër për shkak të angazhimeve që kanë, por pa përcaktuar një datë.
Dy ditë më parë, avokatët ë Berishës i janë drejtuar më një tjetër kërkesë prokurorëve të SPAK, për ta lejuar të marrë pjesë në seancat plenare të Kuvendit.
