12 minatorë të Trepçës janë dërguar me urgjencë në Spitalin Rajonal të Mitrovicës pasi kanë marrë lëndime të rënda nga djegia me acid sulfurik. Siç raportojnë mediat kosovare dy prej tyre janë në gjendje të rendë pasi kanë marrë dëmtime serioze të syve.
Lajmi është konfirmuar nga Spitali i Përgjithshëm i Mitrovicës përmes një komunikate për mediat.
“Dy minatorët me lëndime të syve, pas trajtimit në repartin e Emergjencës janë transferuar në repartin e Oftalmologjisë së Spitalit të Përgjithshëm në Mitrovicë për trajtim të mëtutjeshëm.
Ndërsa, 10 prej tyre janë duke u trajtuar në repartin e Emergjencës dhe janë jashtë rrezikut për jetë” thuhet në komunikatën për media.
