Një aksident i rëndë ka ndodhur në rrugën Manastir-Demir Hisar të Maqedonisë së Veriut, ku një person ka humbur jetën, ndërsa 20 të tjerë janë lënduar.
Nga informacionet e para mësohet se në aksident janë përfshirë një makinë dhe një fugon policie që po transportonte punëtorë.
Mediat maqedonase raportojnë se nga aksidenti ka humbur jetën një 24-vjeçar, drejtuesi i makinës.
Ndërsa 20 të lënduarit janë transportuar në spital për ndihmë mjekësore. Mësohet se asnjëri prej tyre nuk ndodhet në rrezik për jetën.
Policia ndodhet në vendngjarje dhe ka nisur puna për zbardhjen e rrethanave të aksidentit.