Një automjet tip “Mercedes Benz” është përfshirë nga flakët teksa ka qenë në ecje vetëm disa momente më herët pranë një qendre tregtare në Fier.
Sapo kanë pikasur flakët, drejtuesi i automjetit dhe dy pasagjerët kanë dalë nga mjeti dhe nuk kanë pësuar lëndime fizike.
Paraprakisht dyshohet se mjeti mund të jetë përfshirë nga flakët si pasojë e një defekti teknik.
Në vendngjarje kanë mbërritur menjëherë zjarrfikësit dhe policia e cila po punon për zbardhjen e plotë të këtij incidenti.
