Është arrestuar një 31-vjeçar në Shkodër mbi të cilin rëndon akuza se për 7 vite me radhë trafikoi drejt Italisë sasi të mëdha kanabisi dhe kokaine.
Policia bën me dije se pas hekurave, me qëllim ekstradimi u arrestua me inicialet K.Uldedaj.
Nga hetimet rezultoi se grupi kriminal në të cilin ishte pjesëtar shtetasi K. U., gjatë periudhës 2015-2022, ka trafikuar në Itali, rreth 3.4 tonë cannabis sativa dhe 35 kg kokainë.
Gjykata e Milanos i ka caktuar 31-vjeçarit, masën e sigurisë “Arrest në burg”, për veprën penale “Trafikimi i narkotikëve”, në kuadër të grupit kriminal, sipas parashikimeve të Kodit Penal të Italisë. Gjithashtu, këtij grupi i janë sekuestruar 195 953 euro dhe 1430 franga të përfituara nga kjo veprimtari kriminale.
