Sekretari amerikan i shtetit Blinken qëndroi tetë orë në Tiranë. Takoi Presidentin Begaj, kryeministrin Edi Rama, drejtuesit e drejtësisë së re dhe një grup të rinjsh që kanë përfituar nga programet amerikane.
or cilat ishin mesazhet që dha? Ish-ambasadori i Shqipërisë në SHBA dhe OKB në një intervistë për “5Pyetjet.al” e cilësoi vizitë kortezie për kreun e qeverisë nisur nga lavdet që i bëri, por theksoi se Kosova doli e fituar nga qëndrimi i zotit Blinken.
“Kosova fitoi sepse gjithë ai presion që është bërë deri tani në Kosovë. Ajo lëkundje që kërkonin të fitonin qarqet anti-patriotike të Kosovës për të destabilizuar qeverinë Kurti nuk u arrit dot. Kjo ishte fitore.
Nuk pamë ndonjë rol që t’i jepej Ramës nga zoti Blinken. Kështu që mendoj se fitoi Kosova. Vizita ishte e rëndësishme por pa një mesazh konkret. Ndoshta mesazhe të tjera do të duken në të ardhmen” tha Nesho për “5Pyetjet.al”.
