Deputetja e PD-së, Jorida Tabaku që në betejën brenda forcës më të madhe në opozitë ka qenë “as këtej dhe as andej” nuk pranoi sot që t’i përgjigjet pyetjes nëse nesër do të shkojë në protestën e thirrur nga Sali Berisha.
“Nuk besoj se dikush nga ju ka shqetësim për opozitarizmin tim, e kam treguar në vite me qëndrueshmëri. Unë sot dua që lajmi të jetë për qeverinë dhe jo çfarë do të bëj unë nesër.
Ne i kemi lodhur shqiptarët, demokratët se çfarë bën kush në PD, kush do ngrihet, kush shkon në protestë, çfarë do të bëjnë.
T’ju flasim qytetarëve dhe t’u tregojmë me veprime opozitarizmin. Nuk dua që lajmi të jetë se çfarë do të bëj unë nesër. Presim deri nesër. Sot lajmi është se çfarë bën qeveria dhe të denoncojmë çdo ditë qeverinë” tha ajo.
