Vota e emigrantëve është shumë e vlefshme për Shqipërinë, aq më shumë se emigrantët janë kontributorë të mëdhenj në vend dhe mund të bëhen edhe më të vlefshëm jo thjesht për të dërguar kursime nga të tyret te të afërmit!
Mirëpo duhet ditur se bërja e mundur e kësaj vote kërkon reforma të mëdha institucionale, kushtetuese, etike, kërkon studime sociologjike të vështira, si edhe diagnostikime politike që kërkojnë mund, kohë, investime në mënyrë që ato të studiohen, të vihen në jetë dhe të mos përdoren për mashtrime elektorale.
Kërkohet një riparje nga fillimi dhe fund e krye e kodit elektoral; e të drejtave politike të qytetarëve, e ribërjeve së listave elektorale, e ushtrimit të së drejtës së votës, etj. Pa nisur që tani seriozisht dhe me forca të përqendruara, gjithçka rrezikohet të mbesë një flluckë elektorale sapuni!
Ose një burim mashtrimesh elektorale!
