Në emisionin televiziv “5Pyetje nga Babaramo” u trajtua ngjarja e rëndë e ndodhur në Durrës, ku 3 fëmijë vranë babanë e tyre Pëllumb Meta.
Deri më tani ka pasur ndryshime të shumta të autorëve, motivet se përse arritën në vrasje dhe se kush prej tyre ishte autori. Në ditët e fundit për mediat ka folur dhe Blerina Meta, gruaja dhe nëna e 3 fëmijëve. Një personazh i cili ka tërhequr vëmendjen e gazetarit Sokol Dema, i cili tek “5Pyetje nga Babaramo” thotë gjakftohtësia e saj kur tregon ngjarjen lë shumë përshtypje.
“Në mesin e atyre që tregoi tha edhe një fjalë që tregon atë çfarë ka hequr në atë familje. Në momentin e parë që zbuluam që ai ishte zhdukur, ne u qetësuam si familje. Ajo përshkruante se nuk kishte pasur asnjëherë gëzim që prej ditës që ishte martuar, i janë parë në pjesën e kokës gunga dhe shenja që sipas saj i janë shkaktuar nga bashkëshorti. Gruaja ka treguar se në të kaluarën burri ka bërë dy kërcënime për vrasje” tha Dema.
I pyetur nga moderatori Ilir Babaramo nëse nëse deklarimet e fëmijëve me atë të nënës kanë përputhshmëri, Dema u shpreh se nuk ka diferencë, por nuk do ishte habi nëse në ditët në vijim do ketë një përfshirje të nënës në ngjarje.
“Ka përputhshmëri në deklarimet që janë bërë nga fëmijët dhe nga nëna e tyre.
Fëmijët kanë deklaruar se nëna nuk ka qenë në banës kur është kryer krimi.
Mbetet ende e paqartë një pikë që ende hetuesit nuk e kanë zbardhur, nëse gruaja e ka marrë vesh në datën 22 vrasjen e të shoqit, apo ditën kur ka ndodhur krimi.
Sigurisht ajo po hetohet në gjendje të lirë, por nuk do ishte e habitshme nëse në ditët në vijim do dali një përfshirje e saj në ngjarje” u shpreh Dema
