Gëzim Çela, i quajtur ndryshe “baroni i drogës” u arrestua më 8 dhjetor në Kosovë, një person i shpallur në kërkim ndërkombëtar nga Interpoli, i njohur gjerësisht për trafikun e drogës.
Nga Kosova ka ardhur konfirmimi për ekstradimin e tij në Shqipëri, ku siç njofton dhe Ministria e Drejtësisë do të bëhet me procedurë të thjeshtuar.
“Ministria e Drejtësisë ju bën me dije se: Shtetasi Gezim (Gëzim) Çelaj alias Çela, i biri i Xhemal dhe i Fatime, lindur më 07.04.1968, në Krujë, do të ekstradohet nga Kosova në Shqipëri” thuhet në njoftimin e Ministrisë së Drejtësisë së Kosovës.
