Presidenti ukrainas Volodomir Zelensky ndodhet në Tiranë. Erdhi mbrëmë nën masa të forta sigurie. Por kush po e mbron? Mbi 1600 forca policie janë në rrugë, pallate, tarraca dhe kudo tjetër. Snjaperistë dhe efektivë të gardës janë fiksuar nga kamerat mbi godinën e Universitetit Politeknik të Tiranës, Akset kryesore janë bllokuar.
Eskadra që erdhi mbrëmë nga Rinasi në Tiranë ishte blind me dhjetëra makina policie. Forcat elitë RENEA dhe Forca Kombëtare e Sigurisë, të cilave u janë bashkëngjitur edhe forca të sigurisë ukrainase janë në gatishmëri për të siguruar mbarëvajtjen e të gjithë takimit dhe samitin.
