Një 31-vjeçar ka rënë në pranga nga policia pasi akuzohet për veprën penale ‘përndjekje’. Uniformat blu bëjnë me dije se 41-vjeçari prej kohësh përndiqte një 31-vjeçare me këtë të fundit që nga frika ka bërë denoncimin e saj në polici. Nga informacionet zyrtare rezulton se 41-vjeçari L.H., në të kaluarën është dënuar po për përndjekje.
NJOFTIMI I POLICISE
Finalizohet nga Komisariati i Policisë Nr. 3, operacioni policor i koduar “Same”. Përndoqi një 31-vjeçare, duke i shkaktuar asaj pasiguri dhe frikë, kapet dhe vihet në pranga 41-vjeçari, i dënuar më parë për veprën penale “Përndjekja”.
Shërbimet e Komisariatit të Policisë Nr. 3, në vijim të punës për goditjen e paligjshmërive në çdo formë të tyre, pas kallëzimit nga një 31-vjeçare se një shtetas e kishte përndjekur në mënyrë të vazhdueshme, duke i shkaktuar asaj pasiguri dhe frikë, menjëherë kanë organizuar dhe finalizuar operacionin policor të koduar “Same”, për kapjen e tij.