Në kuadër të rienergjizimit të PS-së, kryeministri Edi Rama zhvilloi një takim në Dibër.
Ai u shpreh se lidershipi i forcës së tij politike është i pazëvendësueshëm teksa shtoi se çdo lloj forme tjetër qeverisjeje që përfshin të tjerë në kushtet e sotme, është një kërcënim për kthimin e vendit mbrapa.
“Vitet që kemi përpara janë të vështirë për të realizuar shumë detyra në të gjitha gradat e shikimit, 360 gradë duhet të përmirësojmë dhe realizojmë gjëra si Shqipëri. Kjo kërkon lidership dhe lidershipi i PS është e pazëvendësueshme. Çdo lloj forme tjetër qeverisjeje që përfshin të tjerë në kushtet e sotme, me çfarë ka sot fusha lojtarë të vjetër e të rinj që janë më të vjetër se të vjetrit kur i dëgjon, është një kërcënim për kthimin e vendit mbrapa” tha Rama.
