Detaje të reja janë zbardhur nga ngjarja e rëndë në Tapizë të Krujës, ku një 42-vjeçare pasi lindi në ambientet e shtëpisë së saj, foshnjën e ka hedhur në lum.
Trupi i fëmijës të porsalindur është gjetur në orët e vona të mbrëmjes së djeshme.
Informacionet e fundit bëjnë me dije se dyshimet e policisë janë se në krim është e përfshirë dhe vajza e madhe e 42-vjeçares, e cila mendohet se është ajo e cila ka hedhur trupin e fëmijës në lum, brenda një qese plastike.
Dyshime të cilat vajza i ka mohuar para policisë duke thënë se nuk e dinte që brenda qeskës ishte trupi i foshnjës, për më tepër më herët është deklaruar se asnjë nga familjarët nuk e dinte për shtatëzaninë e gruas.
Megjithatë policia ka dyshime se familjarët kanë qenë në banesë në momentin kur fëmija ka ardhur në jetë.
Sakaq, gruaja ndodhet në spital në gjendje të rënduar psikologjike.
Nuk dihet shkaku që fshihet pas këtij veprimi, por nuk përjashtohet mundësia që fëmija të jetë nga një marrëdhënie jashtëmartesore.
Nuk dihet shkaku që fshihet pas këtij veprimi, por nuk përjashtohet mundësia që fëmija të jetë nga një marrëdhënie jashtëmartesore.
