Afërsisht një muaj pas atentatit që iu bë në Shkodër Selami Brahimit, autori i dyshuar është ekstraduar sot nga Gjermania.
Ai është 68-vjeçari Suljeman Kapllani i arrestuar pikërisht në Gjermani, vend në të cilin u largua pasi kreu atenatitn.
Ndaj tij Gjykata e Shkodrës kishte caktuar masën e sigurisë “Arrest në burg”, për veprat penale “Vrasja me dashje”, mbetur në tentativë dhe “Prodhimi dhe mbajtja pa leje e armëve, armëve shpërthyese dhe e municionit”.
Kapllani do të përballet me drejtësinë shqiptare për atentatin ndaj Selami Brahimit më 8 shkurt 2024 në Shkodër. Në drejtim të 60-vjeçarit u qëllua me kallashnikov 10 herë, por vetëm një plumb e preku në pjesën e fytyrës.
