Ka gjetur vdekjen në mënyrë tragjike një shqiptar i Kosovës i cili punonte në Itali.
Ngjarja e rëndë ka ndodhur pikërisht në vendin e punës, ku 52-vjeçari Nazmi morina u shtyp nga një ngarkesë që peshonte mbi një ton.
Sipas asaj që shkruajnë mediat italiane, Nazmi Morina po përdorte një vinç të vogël, duke lëvizur materialin, kur ngarkesa u lirua papritmas dhe e zuri poshtë. Fatkeqësisht ndihma e parë nuk mundi të bënte asgjë pasi ai humbi jetën menjëherë.
Morina kishte gati 20 vjet që jetonte në zonën e Breshias me gruan dhe 4 fëmijët e tij të vegjël.
