Crystal Palace ‘shuplakë’ Liverpoolit për luftën titull në Premier League
Liverpooli u befasua këtë të diel në shtëpi nga Crystal Palace duke u mundur 0-1 në ‘Anfield’ si dhe duke u larguar me dy pikë nga vendi i parë në Premier League.
Një gol i Eze në minutën e 14-të vendosi duelin, teksa djemtë e Klopp nuk ishin të fuqishëm për të marrë pikë. Kjo është humbja e dytë radhazi për Liverpool në “Anfield”, gjë që nuk ndodhte prej 2017.
Tashmë ai që konsiderohej një sezon lamtumire për Klopp dhe që pritej të mbyllej në mënyrën më të mirë të mundshme po kthehet në një makth.
Liverpool u mposht 0-3 nga Atalanta në Europa League dhe është me një këmbë jashtë.
Në Premier League tani ndodhet në vendin e dytë me 2 pik më pak se City por me Arsenalin që duhet ende të luaj, distanca me kreun mund të rritet.
