Një shpërthim ka ndodhur mëngjesin e sotëm në Zveçan. Një granatë dore u hodh në oborrin e një shtëpie.
Zëvendësdrejtori i policisë për rajonin e veriut, Veton Elshani deklaroi se nga shpërthimi ka pasur dëme të vogla materiale, por që nuk ka të lënduar.
“Sot në orët e hershme të mëngjesit në Zvecan, respektivisht Zherovnic është dëgjuar një shpërthim. Dyshohet se shpërthimi është shkaktuar nga një granatë dore e cila është hedh në një oborr të një shtëpie.
Dëme të vogla materiale janë shkaktuar, ndërsa nuk ka të lënduar në njerëz. Njësitë relevante të Policisë kanë dalë në vend të ngjarjes dhe janë duke u marrë me rastin”, pohoi Elshani.
