Tre ditë pas vrasjes makabër të një çifti të moshuarish në Dropull, policia ka mundur të identifkikojë autorin.
Më datë tre maj çifti i të moshuarve Kosta dhe Kleoniqi Ilia, u gjetën të pa jetë në ambientet e shtëpisë së tyre, të dy me shenja dhune në trup.
Drejtori i Drejtorisë Vendore të Policisë Gjirokastër, ka dalë sot në konferencë për shtyp ku konfirmoi se është arrestuar autori i dyshuar i këtij krimi. Ai është identifikuar si Thoma Mastora. Pista kryesore e vrasjes është se ai ka dashur ti marrë pronat dy të moshuarve.
“Ata ishin goditur me sende të forta. Nga kontrolli në banesë u arrit që të gjendeshin dhe një vlerë prej 5 milionë lekësh të reja. 35 persona u shoqëruan, u kryen vlerësime dhe eksperimente hetimore.
U arrit të sqarohej dokumentimi i kësaj ngjarje dhe të identifikohej autori. Autori i këtij krimi Thoma Mastora, 65 vjeç, banues në këtë fshat, i dënuar më parë”, tha Çipa.
Piu kafen me çiftin e të moshuarve dhe më pas i vrau, zbardhet krimi makabër në Dropull
