Ministri i Brendshëm Taulant Balla gjatë prezantimit të mekanizmit kombëtar të referimit kundër ekstremizmit vlerësoi bashkëpunimin ndërinstitucional si dhe shoqërinë civile.
Balla tha se Shqipëria ka praktikat më të mira në rajon për luftën ndaj ekstremizmit dhe rehabilitimin e viktimave.
“Gjatë këtyre viteve kemi bërë të mundur ngritjen e mekanizmave efikasë në nivel lokal dhe këtu janë prefektët, të cilët do të kenë mundësi ta evidentojnë, së pari për evidentimin, sinjalizimin dhe për adresimin e çdo forme radikalizmi dhe ekstremizmi të dhunshëm, sidomos me fokus të veçantë te të rinjtë pa harruar dhe shtresat vulnerabil”, u shpreh Balla.
Më tej ai shtoi se duhet që të vazhdojë puna për sigurimin e përbashkët në nivel globalë dhe duhet të arrijë rezultate të ngushta në këtë bashkëpunim pasi kjo luftë është një emërues i përbashkët.
