Një zjarr i përmasave të mëdha ka rënë mesditën e sotme në një stan bagëtish në fshatin Mbrostar-Ura në Fier ku janë shkrumbuar me qindra kubikë bari, që shërbejnë si ushqim për bagëtitë dhe një mjet bujqësor.
Në vendngjarje kanë mbërritur 3 automjete zjarrfikës, të cilët po punojnë për fikjen e zjarrit, por është shumë e vështirë pasi ka materiale lehtësisht të djegshme.
Nuk raportohet për njerëz të plagosur, ndërkohë që ka mbërritur dhe policia për të zbardhur shkaqet e zjarrit.
