Kryetari i Parlamentit të Greqisë, Constantine An. Tassoulas, ka dërguar një letër urimi për Elisa Spiropalin me rastin e zgjedhjes së saj si Kryetare e Kuvendit të Shqipërisë.
Në mesazhin e tij, Tassoulas ka shprehur urimet më të sinqerta dhe ka theksuar besimin e tij se Spiropali do të luajë një rol të rëndësishëm në forcimin e marrëdhënieve dypalëshe dhe nxitjen e bashkëpunimit ndërkombëtar.
Ai e ka përgëzuar Spiropalin për këtë detyrë të re dhe ka shprehur besimin se ajo do të kontribuojë ndjeshëm në avancimin e marrëdhënieve mes Greqisë dhe Shqipërisë.
“Jam i bindur se nga Zyra Juaj e Lartë, Ju do të jepni një kontribut thelbësor në nxitjen e bashkëpunimit parlamentar ndërkombëtar dhe dypalësh dhe në forcimin e marrëdhënieve dypalëshe mes vendeve tona.
Ju lutemi pranoni shprehjen e konsideratës sime më të lartë”, përfundon në shkrimin e tij, Tassoulas.
