Policia e Velipojës ka arrestuar 53-vjeçarin me iniciale F.Gj., banues në fshatin Rrjoll, i cili ka kanosur dhe kundërshtuar një punonjës së OSHEE-së.
Gjatë një konflikti 53-vjeçari e ka kundërshtuar dhe e ka kanosur punonjësin e OSHEE-së, i cili po merrej me verifikimin e aparatit matës të energjisë elektrike.
Gjithashtu edhe një person me iniciale S.Ç., dyshohet se ka vendosur një kioskë në fshatin Dobraç pa marrë lejen e nevojshme nga organet kompetente.
Të dy rastet janë dorëzuar në Prokurorinë pranë Gjykatës së Shkallës së Parë të Juridiksionit të Përgjithshëm në Shkodër për veprime të mëtejshme dhe për të zbardhur plotësisht rrethanat e ndodhur.
