Një 20-vjeçar u arrestua në Vlorë pasi iu gjetën në makinë doza kokaine dhe kanabisi gati për shitje.
Gjatë kontrollit në makinën e 20-vjeçarit me iniciale J.Karafilajt dhe pasagjer E.Q., 22 vjeç u gjetën sasi lënde të dyshuara kokaine dhe kanabisi, të ndara në doza, 100 000 lekë dhe një celular.
Në cilësinë e provës materiale u sekuestruan dozat e kanabisit dhe kokainës, shuma e parave dhe celulari.
Nga veprimet hetimore rezultonte se 20-vjeçari siguronte lëndë narkotike kokainë dhe kanabis në doza dhe i shiste ato në lagje të ndryshme të qytetit të Vlorës. Në këtë veprimtari e shoqëronte dhe 22-vjeçari i cili u procedua penalisht.
Ndërkohë materialet procedurale i kaluan Prokurorisë, për veprime të mëtejshme.
