Një 29-vjeçar shqiptar u arrestua në Ankona, Itali, nga karabinierët pasi ishte kapur me 100 doza kokainë dhe 1660 euro cash.
Shqiptari, i cili kishte marrë me qira një makinë për të shpërndarë drogën, u arrestua pas një operacioni që filloi kur karabinierët vunë re lëvizjet e dyshimta dhe nervozizmin e tij pranë një karburanti. Në kontrollet e mëtejshme, u gjetën katër pako me nga 25 doza secila, dhe u konstatua se kishte më shumë se 55 gramë kokainë në total.
Ai është dërguar në Burgun e Ankona në pritje të seancës gjyqësore.
