Ministri i Punëve të Jashtme Igli Hasani me anë të një postimi në rrjetin social X ka reaguar në lidhje me 1 vjetorin e sulmeve të Hamasit në Izrael.
Hasani shprehet që Shqipëria qëndron e vendosur në thirrjen e saj për lirimin e menjëhershëm dhe pa kushte të të gjithë pengjeve.
“Ne shprehim ngushëllimet tona më të thella për familjet e viktimave dhe mbështetjen tonë të palëkundur për ata që janë ende në robëri dhe të dashurit e tyre . Ne u bëjmë thirrje të gjitha palëve të punojnë drejt një zgjidhjeje gjithëpërfshirëse që garanton paqe dhe stabilitet të qëndrueshëm në rajon”, shkruan ai.
