Kryeministri Edi Rama në një deklaratë për mediat foli edhe rreth reagimeve për vrasjen e 14-vjeçarit. Rama u shpreh kjo tragjedi duhet ti bashkojë si prindër dhe si qytetarë, ku secili duhet të marrë përsipër në pjesën e vet për mbrojtjen e fëmijëve.
“Gjithsecili prej nesh duhet të marrë përsipër më shumë në pjesën e vet të frontit për mbrojtjen e fëmijëve, i cili nis brenda mureve të shtëpisë, vazhdon brenda mureve të shkollës dhe shtrihet kudo ku zhvillohet jeta e fëmijëve tanë përfshi dhe ekranet e TV ku shumica dërrmuese e atyre që derdhin lot krokodili për Shqipërinë dhe popullin janë në fakt lëvrues të papërgjegjshëm të gjuhës së dhunës dhe herë pas here nxitës të hapur të dhunës, duke përfshirë edhe vetë sallën Parlamentit të Shqipërisë që është një shkollë e hapur dhune dhe nxitje e gjuhës së dhunës”, tha Rama.
