Në ditën e 112 vjetorit të Pavarësisë Sali Berisha u shpreh se ka vetëm dy rrugë për largimin e diktaturave.
“Sot jemi në kushte të vështira duhet të qëndrojmë. Ka dy rrugë për largimin e diktaturave, ose me armë, ose me mosbindje civile dhe votë. Ne jemi Parti Demokratike, jo e dhunës, por e mosbindjes civile, e votës së lirë.
Rruga që kemi nisur është rruga drejt fitores. Hapa shumë të mëdha janë bërë. Ishim forca padrejtësisht më e izoluar në Europë. Sot regjimi i Tiranës është ndëshkuar ndërkombëtarisht nga partitë e qendrës së djathtë, sa asnjë regjim tjetër pas atij të Koresë së Veriut dhe ndonjë diktature tjetër.
Të gjithë këto janë frymëzim dhe kushtrim për ne. Të vazhdojmë. Ne jemi shpresa e fundit dhe kurrë historia nuk do të na falë nëse nuk shpëtojmë shqiptarët nga kjo narko-diktaturë. Asnjë gjë nuk na pengon ne të arkivojmë Ramën në analet e historisë dhe për të rikthyer votën e lirë dhe fitoren e opozitës” tha ai.
