Kryetari i Partisë Demokratike, Sali Berisha, ka reaguar për protestat e zhvilluara gjatë fundjavës në Tiranë, ku sipas tij ka pasur një pjesëmarrje të jashtëzakonshme edhe nga diaspora shqiptare.
Në një konferencë për mediat, Berisha i ka cilësuar tubimet si ndër më masivet në historinë e vendit, duke theksuar se ato përfaqësojnë një mesazh të fortë kundërshtie ndaj qeverisë dhe një mbështetje të gjerë për opozitën.
“Dua të shpreh mirënjohje për ata dhjetëra mijëra qytetarë që udhëtuan nga të katërt anët e botës dhe u bashkuan të shtunën dhe të dielën me dhjetëra mijëra qytetarë këtu, duke i dhënë Tiranës dhe kombit një det të vërtetë shprese me protestën e tyre të paparë ndonjëherë. Weekend-i që kaloi ishte kryengritja më paqësore dhe më e fuqishme e njohur në histori, ishte weekend-i i diasporës”, u shpreh Berisha.
