Një 53-vjeçar shqiptar ka humbur jetën në Itali, pasi ka rënë nga një lartësi prej 6 metrash në vendin e punës.
Sipas mediave italiane, shqiptari është Lulzim Buci, ai ka rënë nga lartësia pasi struktura e betonit në magazinën ku ai po punonte u shemb. Gjithashtu ka mbetur i plagosur edhe një 31-vjeçar maroken, i cili po merr ndihmë mjekësore në spital.
Ndërsa autoritetet po punojnë për zbardhjen e plotë të rrethanave të ngjarjes.
