Ambasadori në largim i Shteteve të Bashkuara në Kosovë, Jeff Hovenier në fund të mandatit në Prishtinë u shpreh se Uashingtoni dëshiron që ta shohë Kosovën të ketë sukses dhe të avancojë, duke shtuar se mbetet i përkushtuar në partneritetin me Prishtinën.
“Dua të falënderoj popullin e Kosovës. Ka qenë puna e ime e ëndrrave që të shërbej si ambasador amerikan në këto tre vjet dhe të kem mundësinë që të punoj me popullin e Kosovës dhe të ndihmoj shtetin që të përparojë.
SHBA-ja është e përkushtuar ndaj partneritetit tonë. Ne duam ta shohim Kosovën që të ketë sukses, të avancojë”, tha Hovenier.
“Po largohem si një mik më i madh i Kosova sesa kur arrita”, përfundoi ai. Hovenier ka shërbyer si ambasadori i SHBA-së në Kosovë në tre vjetët e fundit.
