Dy parti politike, Nisma Thurje e Endri Shabanit dhe Shqipëria Bëhet e Adriatik Lapajt kanë bërë një manifestim në mbështetje të SPAK-ut në dyert e prokurorisë pas arrestimit të Erion Veliajt. Shabani tha se aleanca Rama-Berisha janë bërë bashkë kundër SPAK-ut.
“Faleminderit për drejtësinë e re”! Të duartrokasim për hetuesit e BKH-së, drejtuesit e SPAK-ut. Ditën e parë të punë së SPAK-ut në 2019 ne kemi sjellë kallëzimin e parë dhe për shkak të kallëzimeve të Nismës Thurje, Beqja, Koka dhe Bllako po fle në burg.
Edhe Erion Veliaj po fle në burg. A ka mesazh më të fortë se fundi i pandëshkueshmërisë se ky? Edhe për të hequr shijen e shëmtuar të protestës së djeshme, ku vinin njerëzit dhe duartrokasin për hajdutët. Ka ardhur momenti të flasim dhe duartrokasim për drejtësinë e re” tha ai.
