Zv/presidentja e Partisë së Lirisë, Erisa Xhixho tha se Ilir Meta u arrestua në mënyrë banditeske. Xhixho u shpreh se arrestimi i tij ishte një akt i paligjshëm dhe i dhunshëm.
Ajo deklaroi se Partia e Lirisë dhe Partia Demokratike po përgatisin një dosje për ta çuar çështjen në Komisionin për Torturën në Këshillin e Evropës dhe në Gjykatën e Strasburgut.
“Ish-Presidenti Ilir Meta u rrëmbye në mënyrë banditeske gjatë arrestimit. Për këtë, do të japin llogari në instancat ndërkombëtare. Jemi në kontakt me partnerët ndërkombëtarë për të sqaruar shkeljet dhe abuzimet e bëra në këtë proces,” tha Xhixho në News 24.
