Kryeministri Albin Kurti nuk ka arritur ta thyejë rekordin e presidentes Vjosa Osmani me vota në zgjedhje. Sipas numërimit të deritanishëm të votave, Kurti mori 222 mijë e 382 vota në këto zgjedhje.
Osmani vazhdon të mbesë personi më i votuar në historinë e Kosovës me 300 mijë e 756 në zgjedhjet e vitit 2021 kur garoi në një listë të përbashkët me Kurtin me një diferencë prej 78 mijë e 374 vota më shumë sesa që mori Kurti sivjet.
Surpriza e këtyre zgjedhjeve ishte këngëtarja Edona Llalloshi që ka siguruar plot 26 mijë e 765 vota, duke u renditur kështu e 14 në listën e atyre që morën më së shumti vota në Vetëvendosje.
