Një 52-vjeçar është arrestuar në Portin e Durrësit pas një operacioni policor të koduar “Five Charges”. Pllum Daci, banues në Kamëz, ishte shpallur në kërkim ndërkombëtar nga Interpol Roma për kryerjen e disa veprave penale në Itali, duke përfshirë tentativë vrasje, grabitje, kanosje, vjedhje dhe shfrytëzim prostitucioni.
Ai ishte dënuar me 14 vjet e 10 muaj burg, nga të cilat mbeteshin për të kryer 13 vjet e 9 muaj. Policia Kufitare në Durrës, në bashkëpunim me hetuesit e krimeve, e arrestuan gjatë kontrollit të një automjeti.
Interpol Tirana do të bashkëpunojë me Interpol Romën për ekstradimin e tij.
