32-vjeçari i identifikuar si Jurgen Dymke është arrestuar nga Policia e Beratit, pasi akuzohet për shitjen dhe shpërndarjen e lëndëve narkotike.
Gjatë operacionit “Kalaja”, policia ka sekuestruar dy qese me rreth një kilogramë lëndë narkotike kanabis, të cilat Dymke po i përpunonte për t’i shpërndarë në doza.
Po ashtu, është proceduar penalisht një tjetër shtetas, N. Z., 22 vjeç, pasi gjatë kontrollit fizik iu gjet një sasi e vogël lëndë narkotike që e kishte blerë nga Dymke. Materialet procedurale do t’i kalojnë Prokurorisë për veprime të mëtejshme.
