Kreu i Komisionit Qendror të Zgjedhjeve Ilirjan Celibashi në një konferencë për mediat u shpreh se 9 marsi mudn të jetë afati i fundit për regjistrimin e disporës për zgjedhjet e 11 majit.
Celibashi nënvizoi se Partia Socialiste nuk ishte darkord për shtyrjen e afatit me 2-3 ditë. Ai theksoi se nuk do të ketë më shtyrje të afateve të tjera përtej datës 9 mars.
“Data 9 mars është një datë që ne nuk shkojmë dot përtej saj sepse është përcaktuar nga ligji. Deri në datën 9 ne mund të flasim dhe të diskutojmë për afate të tjera, pra nuk mund të shkojmë përtej datës 9. Ka qenë një kërkesë që të shtyhet afati për ditët, për ne s’ka problem, por PS s’ka qenë dakord me këtë ide duke thënë se data 4 është e njohur për të gjithë dhe se është afati i fundit dhe shtyrja për 2 ose 3 ditë nuk do të ndryshonte ndonjë gjë të madhe”, tha Celibashi.
