Në orën 10:00, ka vijuar në Apelin e GJKKO seanca për kryebashkiakun e Tiranës, Erion Veliaj. Sipas informacionit, avokatët e tij, Ermir Beta dhe Artur Selmani, kanë përfunduar mbrojtjen e tyre.
Aktualisht, seanca ka vazhduar me mbrojtjen e biznesmenit Elman Abule, i cili ndodhet në masën “arrest me burg”. Avokatja e Abules, Romina Zano, ka paraqitur mbrojtjen e tij para trupit gjykues. Procesi është ende në zhvillim dhe pritet të dalë një vendim nga gjykata.
